入西贡游船河舒舒服服hea一日

2020-04-24
[导读 ] 讲起夏天,大家都会谂起大海,淡蓝嘅颜色、轻轻吹嘅海风、鹹鹹地嘅气味……虽然盛夏已经同我哋沙唷啦啦,不过趁秋天凉凉地,去户外玩都唔会一身臭汗,咪仲舒服?今个weekend,不如就去香港后花园-西贡,悠悠……

讲起夏天,大家都会谂起大海,淡蓝嘅颜色、轻轻吹嘅海风、鹹鹹地嘅气味……虽然盛夏已经同我哋沙唷啦啦,不过趁秋天凉凉地,去户外玩都唔会一身臭汗,咪仲舒服?今个weekend,不如就去香港后花园-西贡,悠悠闲闲咁hea一日啦。

第一站-食街医肚

入西贡游船河舒舒服服hea一日

山长水远入到嚟,梗係要医肚先啦。西贡除咗海鲜出名,泰国菜都一样咁出色。食街(福民路)入面有成十间八间平民泰国餐厅,无论海南鸡饭、串烧、咖喱定捞檬都咁正。

第二站-出海游船河

入西贡游船河舒舒服服hea一日

码头边有好多个档仔栋晒牌喺度,写晒有咩游船河路线,睇怪石定海豚咁,多数100蚊之内有交易。Between,呢个牌大大只字写住「包你睇唔到珊瑚」係咩销售手法…… 

入西贡游船河舒舒服服hea一日

毛毛拣咗个50蚊,首先坐船睇奇岩怪石,再喺桥咀岛上岸自由活动,再睇返船班时间锺意玩几耐先返西贡码头嘅trip。 

入西贡游船河舒舒服服hea一日

出发喇!沿途船长叔叔会擘大喉咙向大家介绍奇岩怪石,第一嚿见到嘅就係乌龟石,你搵唔搵到佢个头喺边先?

入西贡游船河舒舒服服hea一日

呢嚿四四方方嘅,船长叔叔就话似机械人喎~

入西贡游船河舒舒服服hea一日

仲有呢嚿,听讲係大象鼻石…… 睇唔出?即係你唔够创作力量同幻想啰!

入西贡游船河舒舒服服hea一日

架船仔开到飞咁快,海风係咁打落面上,真係好爽!

入西贡游船河舒舒服服hea一日

入西贡游船河舒舒服服hea一日

沿途睇咗大概30分钟怪石,就去到桥咀岛喇。呢度潮退嘅时候两个岛仔会连埋一齐,游客可以趁呢几个钟头行出去影相~桥咀岛唔算好大,行下影下相,大约一个钟就可以玩晒。玩到差唔多日落,就係时候返去喇,因为多数船嘅尾班船都係6点半就开㗎喇。

第三站-食tea嘅时候又到咗

入西贡游船河舒舒服服hea一日

入西贡游船河舒舒服服hea一日

玩咗大半日,肚仔都开始饿喇~小巴站隔篱新开咗间卖鱼仔烧嘅舖头,20蚊有4件,边行边食就啱晒~

第四站-散步睇日落

入西贡游船河舒舒服服hea一日

码头隔篱有条长长大道,假期有唔少人带埋狗仔嚟散步㗎,净係见到啲咁打耳嘅狗仔,心情已经靓晒~

入西贡游船河舒舒服服hea一日

除咗放狗,都有好多人嚟西贡放风筝㗎!毛毛当日遇到呢个高手就放紧108超级大连环风筝蜈蚣!

入西贡游船河舒舒服服hea一日

海边有一堆大石,坐喺度倾下偈,慢慢睇埋个日落作为西贡一日游嘅总结,真係难得咁写意。成日喺facebook呻冇钱去旅行,不如近近地嚟个郊游日,舒舒服服咁relax下啦。


上一篇: 下一篇: